Raja Prabhakar: వెలుగుల పండుగ దీపావళి ప్రతి ఒక్కరి జీవితాల్లో కొత్త ఆశలు, ఆనందాలు నింపాలని టీఆర్ఎస్ పార్టీ కొడంగల్ నియోజకవర్గ ఇన్‌ఛార్జ్ రాజ ప్రభాకర్ ఆకాంక్షించారు. ఈ పర్వదినాన్ని పురస్కరించుకుని కొడంగల్ నియోజకవర్గ ప్రజలందరికీ ఆయన హృదయపూర్వక దీపావళి శుభాకాంక్షలు తెలియజేశారు.
ఈ సందర్భంగా విడుదల చేసిన ప్రకటనలో రాజ ప్రభాకర్ మాట్లాడుతూ.. దీపావళి పండుగ సందర్భంగా లక్ష్మీదేవి కటాక్షం ప్రతి కుటుంబంపై ఉండాలని, ప్రజలందరికీ సిరిసంపదలు, సుఖసంతోషాలు కలగాలని అమ్మవారిని ప్రార్థిస్తున్నట్లు తెలిపారు. ప్రతి ఒక్కరూ సంపూర్ణ ఆరోగ్యంతో, నిండు ఆయుష్షుతో ఆనందంగా జీవించాలని, చేపట్టిన ప్రతి పనిలో విజయాలు సాధించాలని ఆకాంక్షించారు. చెడుపై మంచి సాధించిన విజయానికి ప్రతీకగా నిలిచే దీపావళి పండుగ ప్రజల జీవితాల్లో అజ్ఞానమనే చీకట్లను తొలగించి, అభివృద్ధి, ఐక్యత, సౌభాగ్యాల వెలుగులు నింపాలని రాజ ప్రభాకర్ ఆకాంక్షించారు.
