PIB Fact Check: ఇంట్లో ఉంటూనే మహిళలకు నెలకు రూ.25,000.. క్లారిటీ

PIB Fact Check: కేంద్ర, రాష్ట్ర ప్రభుత్వాలు మహిళలు, నిరుద్యోగ యువతకు ఉపాధి, ఆర్థిక భద్రత కల్పించేందుకు పలు పథకాలను అమలు చేస్తున్న నేపథ్యంలో తాజాగా సోషల్ మీడియాలో కొన్ని ఆకర్షణీయ ప్రకటనలు వేగంగా వైరల్ అవుతున్నాయి. ఇంటివద్దే పని చేస్తూ నెలకు రూ.25000 సంపాదించే అవకాశం, నిరుద్యోగులకు ప్రతి నెల రూ.2500 భృతి అంటూ ప్రచారం జరుగుతోంది. ఈ సందేశాలు చూస్తే నిజంగానే ప్రభుత్వం కొత్త పథకాలు ప్రారంభించిందేమో అన్న భావన కలుగుతోంది. అయితే ఈ ప్రచారాలపై ప్రజల్లో అనుమానాలు కూడా వ్యక్తమవుతున్నాయి. నిజంగానే అలాంటి పథకాలు అమలులో ఉన్నాయా లేదా అనే సందేహం ఎక్కువమందిని వేధిస్తోంది.

https://twitter.com/PIBFactCheck/status/2024788401296404800?ref_src=twsrc%5Etfw%7Ctwcamp%5Etweetembed%7Ctwterm%5E2024788401296404800%7Ctwgr%5E291eb2bc6ca4c391b1462f5a5ede88c779b28d41%7Ctwcon%5Es1_&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FPIBFactCheck%2Fstatus%2F2024788401296404800

ఈ అనుమానాలకు తెరదించేందుకు కేంద్ర ప్రభుత్వానికి చెందిన Press Information Bureau లోని వాస్తవ నిర్ధారణ విభాగం పరిశీలన చేపట్టింది. మహిళలకు ఇంటి నుంచే పని చేసే అవకాశం కల్పిస్తూ ‘మహిళా వర్క్ ఫ్రమ్ హోమ్ యోజన 2026’ పేరిట నెలకు రూ.25,000 చెల్లిస్తోందనే ప్రచారం పూర్తిగా అవాస్తవమని స్పష్టం చేసింది. అలాంటి పేరుతో ఎలాంటి పథకం ప్రారంభించలేదని, ప్రభుత్వం తరఫున ఎలాంటి ప్రకటన వెలువడలేదని వెల్లడించింది. ఈ ప్రచారం సోషల్ మీడియాలో వైరల్ అయిన కొన్ని వీడియోల ఆధారంగా విస్తరించిందని అధికారులు గుర్తించారు.

వాస్తవ నిర్ధారణలో భాగంగా ‘Buddhsen92TechOfficial’ పేరుతో నడుస్తున్న ఒక యూట్యూబ్ ఛానెల్ ఈ తప్పుడు సమాచారాన్ని విస్తృతంగా ప్రచారం చేసినట్లు తేలింది. ప్రభుత్వం పేరును, అధికారిక చిహ్నాలను ఉపయోగిస్తూ మహిళలు ప్రతి నెల స్థిరమైన ఆదాయం పొందవచ్చని ఆ వీడియోలో పేర్కొనడం జరిగింది. అయితే దీనికి ప్రభుత్వంతో ఎలాంటి సంబంధం లేదని అధికారులు స్పష్టం చేశారు. ప్రజలను ఆకర్షించేందుకు నమ్మకాన్ని దుర్వినియోగం చేసే ప్రయత్నమని పేర్కొన్నారు.

ఇదే తరహాలో ‘బేరోజ్గారీ భత్తా యోజన 2026’ పేరుతో నిరుద్యోగ యువతకు ప్రతి నెల రూ.2500 చెల్లిస్తోందని మరో ప్రచారం కూడా కొనసాగుతోంది. అర్హులైన వారు వెంటనే దరఖాస్తు చేసుకోవాలని సూచిస్తూ లింకులు పంచుతున్నారు. అయితే ఈ సమాచారం కూడా పూర్తిగా అసత్యమని వాస్తవ నిర్ధారణ విభాగం తేల్చింది. అలాంటి పథకం కేంద్ర ప్రభుత్వం అమలు చేయడం లేదని స్పష్టం చేసింది. నిరుద్యోగుల ఆర్థిక ఇబ్బందులను ఉపయోగించుకుని మోసగాళ్లు తప్పుడు ఆశలు కల్పించే ప్రయత్నం చేస్తున్నారని అధికారులు హెచ్చరించారు.

ప్రభుత్వ పథకాల పేరుతో ఆకర్షణీయమైన ఉద్యోగ హామీలు, భారీ ఆదాయ వాగ్దానాలు కనిపించినప్పుడు వెంటనే నమ్మకూడదని సూచిస్తున్నారు. అధికారిక ప్రకటనలు, ప్రభుత్వ ధృవీకరించిన వేదికల ద్వారా మాత్రమే సమాచారాన్ని నిర్ధారించుకోవాలి. అనుమానాస్పద వార్తలు, వీడియోలు, సందేశాలు కనిపించినప్పుడు వాటిని నేరుగా వాస్తవ నిర్ధారణ విభాగానికి పంపవచ్చు. వాట్సాప్ ద్వారా +91 8799711259 కు సందేశం పంపడం లేదా అధికారిక ఇమెయిల్ చిరునామాకు వివరాలు పంపడం ద్వారా నిజానిజాలు తెలుసుకోవచ్చని అధికారులు తెలిపారు.

సోషల్ మీడియాలో తప్పుడు సమాచారం వేగంగా వ్యాపిస్తున్న ఈ కాలంలో ప్రజలు మరింత అప్రమత్తంగా ఉండాల్సిన అవసరం ఉంది. ప్రభుత్వ పేరుతో వచ్చే ప్రతి ప్రకటన నిజం కాకపోవచ్చని గుర్తుంచుకోవాలి. ముఖ్యంగా ఆర్థిక లాభాల హామీల విషయంలో రెండుసార్లు ఆలోచించి, విశ్వసనీయ వర్గాల నుంచి ధృవీకరణ పొందిన తరువాత మాత్రమే స్పందించాలి. అవగాహనతో వ్యవహరించడమే మోసాలను నివారించే ప్రధాన మార్గమని అధికారులు నొక్కిచెబుతున్నారు.

ALSO READ: CM Revanth Reddy: నేనూ పార్టీలో వ్యతిరేకత ఎదుర్కొన్నా