Pawan Kalyan: పవర్ స్టార్ పవన్ కల్యాణ్ అభిమానులు ఎంతోకాలంగా ఎదురుచూస్తున్న ఉస్తాద్ భగత్ సింగ్ సినిమా ఉగాది సందర్భంగా మార్చి 19న ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ చిత్రానికి మొదటి రోజు నుంచే మిశ్రమ స్పందన లభిస్తున్నప్పటికీ, అభిమానుల నుంచి మాత్రం మంచి ఆదరణ లభిస్తోంది. ముఖ్యంగా పవన్ కల్యాణ్ మేనరిజమ్స్, డ్యాన్సులు, యాక్షన్ సన్నివేశాలకు థియేటర్లలో విజిల్స్, హర్షధ్వానాలు వినిపిస్తున్నాయి. గతంలో గబ్బర్ సింగ్ సినిమాతో భారీ విజయాన్ని అందించిన హరీష్ శంకర్ ఈ చిత్రాన్ని తెరకెక్కించగా, మరోసారి పవన్ అభిమానులను అలరించే ప్రయత్నం చేశారు.
ఈ సినిమాలో హీరోయిన్లుగా శ్రీలీల, రాశీ ఖన్నా నటించగా, కథలో మాత్రం శ్రీలీల పాత్రకు ప్రత్యేక ప్రాధాన్యం లభించింది. రేడియో జాకీ పాత్రలో కనిపించిన ఆమె తన క్యూట్ నటన, స్క్రీన్ ప్రజెన్స్‌తో ప్రేక్షకులను ఆకట్టుకుంది. ముఖ్యంగా రెండో భాగంలో కథ మొత్తం ఆమె పాత్ర చుట్టూ తిరుగుతుండటంతో, సినిమా హైలైట్‌గా నిలిచింది. పవన్ కల్యాణ్, శ్రీలీల కాంబినేషన్‌లో వచ్చే సన్నివేశాలు అభిమానులకు ప్రత్యేక ఆకర్షణగా మారాయి. అలాగే వీరిద్దరి మధ్య వచ్చే ఈ మనసే పాట రీమిక్స్ ప్రేక్షకులకు కనువిందు చేస్తోంది. గత సినిమాలతో పోలిస్తే ఈ చిత్రంలో శ్రీలీలకు ఎక్కువ స్క్రీన్ స్పేస్ లభించడంతో పాటు నటనకు కూడా మంచి అవకాశం దక్కింది.
ఇదిలా ఉండగా, ఈ సినిమాలో హీరోయిన్ పాత్రకు మొదటగా పూజా హెగ్డేను ఎంపిక చేసినట్లు సమాచారం. గతంలో డీజే చిత్రంలో ఆమెతో కలిసి పనిచేసిన హరీష్ శంకర్, ఈ సినిమాలో కూడా ఆమెనే తీసుకోవాలని భావించినట్లు తెలుస్తోంది. అయితే అప్పట్లో ఇతర సినిమాలతో బిజీగా ఉండటం వల్ల పూజా హెగ్డే ఈ ప్రాజెక్ట్‌ను వదులుకున్నట్లు సమాచారం. దీంతో ఆ అవకాశం శ్రీలీలకు దక్కింది.
మొత్తానికి పూజా హెగ్డే వదులుకున్న ఈ సినిమా శ్రీలీలకు మంచి అవకాశంగా మారిందని చెప్పాలి. ఈ చిత్రంతో ఆమెకు మరింత గుర్తింపు లభించడంతో పాటు భవిష్యత్తులో మరిన్ని అవకాశాలు రావచ్చని సినీ వర్గాలు అంచనా వేస్తున్నాయి. ప్రస్తుతం దక్షిణాది చిత్రాలతో పాటు హిందీ పరిశ్రమలో కూడా వరుసగా సినిమాలు చేస్తూ శ్రీలీల తన కెరీర్‌ను వేగంగా ముందుకు తీసుకెళ్తోంది.
ALSO READ: అదృష్టం అంటే ఇదేనేమో!.. బోరు బావి నుంచి వచ్చిన గ్యాస్‌తో పదేళ్లుగా ఫ్రీ గ్యాస్
