Tollywood actor: అల్లు శిరీష్ ప్రీ వెడ్డింగ్ సెలబ్రేషన్స్

Tollywood actor: టాలీవుడ్ యంగ్ హీరో అల్లు శిరీష్ గురించి ప్రత్యేకంగా పరిచయం అవసరం లేదు. మెగాస్టార్ చిరంజీవి కుటుంబానికి చెందిన నటుడిగా ఇండస్ట్రీలో అడుగుపెట్టిన శిరీష్.. తనకంటూ ఓ ప్రత్యేక గుర్తింపు తెచ్చుకునేందుకు ప్రయత్నం చేస్తున్నాడు. ‘గౌరవం’ సినిమాతో హీరోగా పరిచయమైన ఆయన.. ఆ తర్వాత ‘కొత్త జంట’, ‘శ్రీరస్తు శుభమస్తు’, ‘ఒక్క క్షణం’, ‘ఏబీసీడీ’, ‘ఊర్వశివో రాక్షసివో’, ‘బడ్డీ’ వంటి విభిన్న కథలతో ప్రేక్షకుల ముందుకు వచ్చాడు. అయితే నటుడిగా మంచి ప్రయత్నాలు చేసినప్పటికీ, స్టార్ ఇమేజ్ స్థాయిలో పెద్ద బ్రేక్ మాత్రం ఇంకా అందుకోలేకపోయాడనే చెప్పాలి.

సినిమాల కంటే ప్రస్తుతం అల్లు శిరీష్ వ్యక్తిగత జీవితం ఎక్కువగా చర్చనీయాంశంగా మారింది. ఆయన త్వరలోనే పెళ్లి పీటలు ఎక్కబోతున్న విషయం తెలిసిందే. గతేడాది అక్టోబర్‌లో నయనికా రెడ్డితో శిరీష్ ఎంగేజ్‌మెంట్ చేసుకున్నాడు. అప్పటి నుంచి ఈ జంట గురించి సోషల్ మీడియాలో ఆసక్తికర చర్చ సాగుతోంది. తాజాగా వీరి వివాహ తేదీ కూడా ఖరారైంది. మార్చి 6న శిరీష్- నయనికా వివాహం ఘనంగా జరగనుంది.

పెళ్లి సమయం దగ్గర పడుతుండటంతో ప్రీ వెడ్డింగ్ సెలబ్రేషన్స్‌కు శిరీష్- నయనికా గ్రాండ్ ప్లాన్ చేశారు. బ్యాచిలర్ పార్టీని దుబాయ్‌లో అంగరంగ వైభవంగా నిర్వహించారు. ఈ సెలబ్రేషన్స్‌లో అల్లు ఫ్యామిలీ మొత్తం సందడి చేసింది. అల్లు అర్జున్, బాబీతో పాటు శిరీష్ సన్నిహితులు, నయనికా ఫ్రెండ్స్ కూడా ఈ వేడుకల్లో పాల్గొన్నారు. డాన్స్‌లు, పార్టీలు, ఎంజాయ్‌మెంట్‌తో ఈ బ్యాచిలర్ పార్టీ స్పెషల్‌గా మారింది. దీనికి సంబంధించిన ఫొటోలు, వీడియోలు సోషల్ మీడియాలో వైరల్‌గా మారి ఫ్యాన్స్‌ను ఆకట్టుకుంటున్నాయి.

ఇక అల్లు ఫ్యామిలీ సినిమాల విషయానికి వస్తే.. ఐకాన్ స్టార్ అల్లు అర్జున్ కెరీర్ ప్రస్తుతం పీక్ స్టేజ్‌లో కొనసాగుతోంది. ‘పుష్ప-2’ సినిమాతో పాన్ ఇండియా స్థాయిలో భారీ రికార్డులు సృష్టించాడు. ఈ సినిమా ప్రపంచవ్యాప్తంగా రూ.1500 కోట్లకు పైగా కలెక్షన్స్ సాధించి ఇండియన్ సినిమా చరిత్రలో ప్రత్యేక స్థానం సంపాదించింది. ఈ విజయం తర్వాత అల్లు అర్జున్ క్రేజ్ మరింత పెరిగింది.

పుష్ప-2 తర్వాత అల్లు అర్జున్ ప్రస్తుతం అట్లీ దర్శకత్వంలో ఓ భారీ ప్రాజెక్ట్ చేస్తున్నాడు. ఈ మూవీ ‘AA22xA6’ అనే వర్కింగ్ టైటిల్‌తో తెరకెక్కుతోంది. ఈ చిత్రంలో బాలీవుడ్ స్టార్ హీరోయిన్ దీపికా పదుకొణె హీరోయిన్‌గా నటిస్తుండటం సినిమాపై అంచనాలను మరింత పెంచింది. భారీ బడ్జెట్‌తో తెరకెక్కుతున్న ఈ సినిమా షూటింగ్ పనులు వేగంగా సాగుతున్నట్లు సమాచారం.

ఇదే సమయంలో మరో క్రేజీ ప్రాజెక్ట్‌ను కూడా అల్లు అర్జున్ లైనప్‌లోకి తీసుకొచ్చాడు. తమిళ స్టార్ దర్శకుడు లోకేష్ కనగరాజ్ దర్శకత్వంలో ఆయన ఓ సినిమా చేయనున్నాడు. ఈ కాంబోను మైత్రీ మూవీ మేకర్స్ అధికారికంగా ప్రకటించింది. దీనికి సంబంధించిన స్పెషల్ గ్లింప్స్ వీడియోను సోషల్ మీడియాలో రిలీజ్ చేయగా, అది ఫ్యాన్స్‌లో విపరీతమైన ఉత్సాహాన్ని నింపింది. ఈ సినిమా ‘#AA23’ వర్కింగ్ టైటిల్‌తో ఈ ఏడాదే పట్టాలెక్కనుంది. ఈ చిత్రానికి స్టార్ మ్యూజిక్ డైరెక్టర్ అనిరుధ్ రవిచంద్రన్ సంగీతం అందించనున్నారు.

ఒకవైపు అల్లు శిరీష్ పెళ్లి వేడుకలు, మరోవైపు అల్లు అర్జున్ వరుస భారీ సినిమాలతో అల్లు కుటుంబం మొత్తం ప్రస్తుతం వార్తల్లో నిలుస్తోంది. ఫ్యాన్స్‌కు ఇది పండుగ వాతావరణాన్ని తీసుకొస్తోందనే చెప్పాలి.

ALSO READ: Political: ‘దేశ ప్రధాని అమిత్ షా’.. నోరు జారిన సీఎం రేవంత్ (VIDEO)