Political: ‘దేశ ప్రధాని అమిత్ షా’.. నోరు జారిన సీఎం రేవంత్ (VIDEO)

Political: రాజకీయ నేతల ప్రసంగాల్లో నోరు జారడం అనేది కొత్త విషయం కాదు. ముఖ్యంగా భారీ సభలు, ఉత్సాహభరితమైన వాతావరణంలో మాట్లాడే సమయంలో కొందరు నేతలు పార్టీల పేర్లు తప్పుగా చెప్పడం, ఇతర పార్టీల నాయకుల పేర్ల విషయంలో తడబడడం తరచుగా కనిపిస్తుంటుంది. అయితే పబ్లిక్ వేదికలపై ఇలాంటి పొరపాట్లు చోటు చేసుకుంటే అవి వెంటనే చర్చనీయాంశంగా మారి నేతలను కొంత ఇబ్బందికి గురి చేస్తాయి.

https://twitter.com/GoudNareshBrs/status/2019381492670165514?ref_src=twsrc%5Etfw%7Ctwcamp%5Etweetembed%7Ctwterm%5E2019381492670165514%7Ctwgr%5E68ede43dbc231c32555836b8126235401f3c9104%7Ctwcon%5Es1_&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FGoudNareshBrs%2Fstatus%2F2019381492670165514

ఇటీవల చొప్పదండి సభలో కూడా ఇలాంటి సంఘటన చోటు చేసుకుంది. ఆ సభలో మాట్లాడుతున్న సమయంలో తెలంగాణ సీఎం రేవంత్ రెడ్డి అనుకోకుండా నోరు జారారు. తన ప్రసంగంలో దేశ రాజకీయాలపై వ్యాఖ్యానిస్తూ మన దేశ ప్రధాని అమిత్ షా అని సంబోధించడం అందరినీ ఆశ్చర్యానికి గురి చేసింది. అసలు విషయానికి వస్తే కాళేశ్వరం ప్రాజెక్టును ATMగా మార్చుకుని కేసీఆర్ వేల కోట్ల రూపాయలు దోచుకున్నారని ఆరోపణలు చేస్తూ ఆయన ప్రసంగం కొనసాగుతోంది. ఈ క్రమంలోనే ప్రాజెక్టుపై సమగ్ర విచారణ జరిపి కేసీఆర్ ను జైలుకు పంపాలని డిమాండ్ చేస్తూ మాట్లాడుతుండగా ఈ మాట తడబాటు జరిగింది.

సభలో ఉన్నవారు కొంతసేపు ఆశ్చర్యపోయినా వెంటనే విషయం అర్థం చేసుకున్నారు. అయినప్పటికీ ఈ వ్యాఖ్య రాజకీయ వర్గాల్లో చర్చకు దారి తీసింది. నాయకుల ప్రసంగాల్లో ఒక చిన్న మాట తప్పినా అది పెద్దగా మారే పరిస్థితి ఉంటుందని మరోసారి ఈ సంఘటన స్పష్టంగా చూపించింది.

ALSO READ: Lucky draw: అదృష్టం అంటే ఇదే.. లాటరీలో రూ.49 కోట్లు జాక్‌పాట్ కొట్టాడు