OTT Horror Movie: ప్రస్తుతం థియేటర్లు మాత్రమే కాదు.. ఓటీటీ ప్లాట్ఫాంల్లో కూడా డివోషనల్ టచ్తో పాటు హారర్ థ్రిల్లర్ సినిమాల హవా స్పష్టంగా కనిపిస్తోంది. కాంతారా సిరీస్ నుంచి ఇటీవల విడుదలైన శంభాల వరకు వచ్చిన సినిమాలు బాక్సాఫీస్ వద్ద మాత్రమే కాదు.. ప్రేక్షకుల మనసుల్లో కూడా గట్టిగా ముద్ర వేసాయి. ఈ జానర్కు ప్రేక్షకుల్లో ఎంత స్థాయిలో ఆదరణ పెరిగిందో ఈ విజయాలు మరోసారి నిరూపించాయి. ముఖ్యంగా గ్రామీణ నేపథ్యంలో, ఆచారాలు, సంప్రదాయాలు, మిస్టరీని మేళవిస్తూ తెరకెక్కుతున్న సినిమాలు ప్రేక్షకులను విపరీతంగా ఆకట్టుకుంటున్నాయి. తెరపై కనిపించే డార్క్ విజువల్స్, భయాన్ని కలిగించే నేపథ్య సంగీతం, ఉత్కంఠను పెంచే కథనం ఈ తరహా సినిమాలకు ప్రత్యేక బలంగా మారాయి.
ఇలాంటి కాన్సెప్ట్తో రూపొందిన మరో హారర్ థ్రిల్లర్ మూవీ ఇప్పుడు ఓటీటీలో స్ట్రీమింగ్ అవుతూ ప్రేక్షకుల దృష్టిని ఆకర్షిస్తోంది. గతేడాది థియేటర్లలో విడుదలై మంచి విజయాన్ని అందుకున్న ఈ సినిమా బాక్సాఫీస్ వద్ద కూడా ఆశించిన దానికంటే ఎక్కువ వసూళ్లను రాబట్టింది. హారర్తో పాటు థ్రిల్లింగ్ ఎలిమెంట్స్ను పుష్కలంగా జోడించడంతో పాటు కథలో ఆసక్తిని చివరి వరకూ నిలబెట్టిన తీరు ఆడియెన్స్ను బాగా కనెక్ట్ చేసింది. థియేటర్లో చూసిన వారికి మరోసారి చూడాలనే ఆసక్తి కలిగించేలా, ఓటీటీలోనూ ఈ సినిమా మంచి స్పందన తెచ్చుకుంటోంది.
ఈ సినిమా కథ కర్ణాటకలోని కొల్లూరు అనే గ్రామం నేపథ్యంలో సాగుతుంది. ఆ గ్రామంలో ఏటా ‘కోన’ అనే ఒక సంప్రదాయం ఉంటుంది. ఈ ఆచారంలో భాగంగా గ్రామస్తులు ఒక దున్నపోతును బలి ఇస్తారు. ఈ బలి ఇవ్వడం వల్ల గ్రామంలోకి చెడు శక్తులు రాకుండా ఉంటాయని, గ్రామం ప్రశాంతంగా ఉంటుందని వారు గట్టిగా నమ్ముతుంటారు. తరతరాలుగా వస్తున్న ఈ సంప్రదాయం గ్రామ జీవన విధానంలో ఒక భాగంగా మారిపోతుంది.
అయితే అనుకోని పరిస్థితుల్లో ఈ ‘కోన’ ఆచారం ఒక్కసారిగా నిలిచిపోతుంది. అదే సమయంలో గ్రామంలో వరుసగా అనూహ్యమైన, భయంకరమైన ఘటనలు చోటుచేసుకుంటాయి. ఒక్కొక్కటిగా జరుగుతున్న హత్యలు గ్రామాన్ని భయాందోళనకు గురిచేస్తాయి. ప్రశాంతంగా ఉన్న గ్రామం ఒక్కసారిగా అనుమానాలు, భయంతో నిండిపోతుంది. ఈ హత్యల వెనుక అసలు కారణం ఏమిటి? ఇది నిజంగానే దుష్టశక్తుల పని ఆ? లేక మనుషులే ఈ ఘాతుకాలకు కారణమా? అనే ప్రశ్నలు ప్రేక్షకుల్లో ఉత్కంఠను పెంచుతాయి. ఈ మిస్టరీని ఛేదించాలంటే సినిమా మొత్తాన్ని చూడాల్సిందే అనేలా కథ సాగుతుంది.
హారర్, థ్రిల్లర్ అంశాలతో పాటు కొంత కామెడీని కూడా సమతుల్యంగా మేళవించడం ఈ సినిమాకు మరో ప్లస్ పాయింట్గా నిలిచింది. ఈ సినిమా పేరు ‘కోన’. ఇది ఒక కన్నడ భాషలో రూపొందిన చిత్రం. హరి కృష్ణ దర్శకత్వం వహించిన ఈ మూవీలో కోమల్ కుమార్, తనీషా కుప్పండ, నమ్రత గౌడ, విజయ్ చెందూర్ కీలక పాత్రల్లో నటించారు. గతేడాది అక్టోబర్ 31న థియేటర్లలో విడుదలైన ఈ సినిమా సూపర్ హిట్గా నిలిచింది. ముఖ్యంగా సినిమాలోని కొన్ని కీలక సన్నివేశాలు, ఊహించని ట్విస్టులు ప్రేక్షకులకు మంచి థ్రిల్ ఇచ్చాయని చెప్పాలి.
ఇటీవలే ఓటీటీ స్ట్రీమింగ్కు వచ్చిన ‘కోన’ సినిమా ప్రస్తుతం జీ5తో పాటు Airtel Xstream Play ప్లాట్ఫాంలలో అందుబాటులో ఉంది. తెలుగు డబ్బింగ్ అందుబాటులో లేకపోయినా, ఇంగ్లిష్ సబ్టైటిల్స్తో ప్రేక్షకులు ఈ సినిమాను సులభంగా ఆస్వాదించవచ్చు. గ్రామీణ నేపథ్యంలో వచ్చే మిస్టరీ హారర్ థ్రిల్లర్ సినిమాలు ఇష్టపడే వారికి ‘కోన’ ఒక మంచి ఎంపిక అని చెప్పడంలో ఎలాంటి సందేహం లేదు. ప్రస్తుతం ఓటీటీ వేదికలపై ఈ సినిమాకు మంచి రెస్పాన్స్ వస్తుండటంతో, హారర్ లవర్స్కు ఇది తప్పక చూడాల్సిన మూవీగా మారింది.
ALSO READ: Golden Chance: రూ.5 వేలతో పోస్టాఫీస్ ఫ్రాంచైజీ
Last Updated on February 5, 2026 · 2:52 PM by Star Trinethram
