Hyderabad: ఇద్దరూ కలిసి హెటల్‌కి వెళ్లారు.. కాసేపు టైం స్పెండ్ చేశాక..
Hyderabad: హైదరాబాద్‌లోని లంగర్‌హౌస్ పోలీస్ స్టేషన్ పరిధిలో ఓ హోటల్‌లో యువతి అనుమానాస్పద స్థితిలో మృతిచెందిన ఘటన తీవ్ర కలకలం రేపింది. అల్వాల్‌కు చెందిన రేణుక మృతిపై పోలీసులు విచారణ చేపట్టగా, ఆమె కుటుంబ సభ్యులు మాత్రం ఇది సాధారణ ఆత్మహత్య కాదని, పక్కా హత్యేనని ఆరోపిస్తూ న్యాయం చేయాలని డిమాండ్ చేస్తున్నారు. ఈ ఘటనతో స్థానికంగా ఉద్రిక్త పరిస్థితులు నెలకొనగా, అసలు ఏం జరిగిందనే అంశంపై పలు అనుమానాలు వ్యక్తమవుతున్నాయి. పోలీసులు ప్రతి కోణంలోనూ దర్యాప్తును వేగవంతం చేశారు.
ప్రాథమిక సమాచారం ప్రకారం అల్వాల్‌కు చెందిన రేణుకకు గోల్కొండ ప్రాంతానికి చెందిన ఫరూక్‌తో కొంతకాలంగా పరిచయం ఉన్నట్లు తెలుస్తోంది. ఈ నేపథ్యంలో ఇద్దరూ గురువారం రాత్రి లంగర్‌హౌస్ పరిధిలోని ఓ హోటల్‌లో గదిని బుక్ చేసుకుని అక్కడ బస చేసినట్లు పోలీసులు గుర్తించారు. అనంతరం తాను కొద్దిసేపు బయటకు వెళ్లి తిరిగి వచ్చేసరికి రేణుక గదిలో ఉరివేసుకున్న స్థితిలో కనిపించిందని ఫరూక్ పోలీసులకు వివరించినట్లు సమాచారం. వెంటనే హోటల్ సిబ్బంది పోలీసులకు సమాచారం ఇవ్వడంతో వారు సంఘటనా స్థలానికి చేరుకుని పరిస్థితిని పరిశీలించి మృతదేహాన్ని స్వాధీనం చేసుకున్నారు.
అయితే ఈ ఘటనపై రేణుక కుటుంబ సభ్యులు తీవ్ర అనుమానాలు వ్యక్తం చేస్తున్నారు. ఫరూక్ చెప్పిన వివరాల్లో నిజం లేదని, తమ కుమార్తె స్వచ్ఛందంగా ప్రాణాలు తీసుకునే పరిస్థితి లేదని వారు పేర్కొంటున్నారు. ఇది ముందస్తు ప్రణాళికతో జరిగిన హత్యగా భావిస్తున్నామని, అనంతరం దానిని ఆత్మహత్యగా చిత్రీకరించే ప్రయత్నం జరిగిందని ఆరోపిస్తున్నారు. ఈ ఘటనపై సమగ్ర విచారణ జరిపి నిజాలు వెలుగులోకి తీసుకురావాలని, ఫరూక్‌పై కఠిన చర్యలు తీసుకోవాలని కుటుంబ సభ్యులు పోలీసులను కోరారు. వారి ఫిర్యాదు మేరకు పోలీసులు కేసు నమోదు చేసి విచారణ ప్రారంభించారు.
ప్రస్తుతం ఫరూక్‌ను అదుపులోకి తీసుకుని పోలీసులు వివిధ కోణాల్లో ప్రశ్నిస్తున్నట్లు సమాచారం. హోటల్‌లో అమర్చిన సీసీటీవీ దృశ్యాలను స్వాధీనం చేసుకుని పరిశీలిస్తున్న అధికారులు, ఇద్దరి కాల్ వివరాలతో పాటు ఇతర సాంకేతిక ఆధారాలను కూడా సేకరిస్తున్నారు. సంఘటనా స్థలంలో లభించిన ఫోరెన్సిక్ ఆధారాలను విశ్లేషించడంతో పాటు పోస్టుమార్టం నివేదిక కోసం ఎదురుచూస్తున్నారు. ఆ నివేదిక అందిన తర్వాతే రేణుక మృతి ఆత్మహత్యా, లేక ఇతర కారణాలతో జరిగిందా అనే అంశంపై స్పష్టత వచ్చే అవకాశముందని అధికారులు తెలిపారు.
ప్రస్తుతం ఈ కేసును అత్యంత ప్రాధాన్యంతో దర్యాప్తు చేస్తున్నామని, ఎలాంటి ఊహాగానాలకు తావు లేకుండా శాస్త్రీయ ఆధారాలు, సాక్ష్యాలు, పోస్టుమార్టం నివేదిక, సీసీటీవీ దృశ్యాలు, సాంకేతిక సమాచారాన్ని సమగ్రంగా పరిశీలించిన అనంతరం తదుపరి చర్యలు తీసుకుంటామని పోలీసులు వెల్లడించారు. దర్యాప్తు పూర్తయ్యే వరకు అన్ని కోణాల్లో విచారణ కొనసాగుతుందని అధికారులు స్పష్టం చేశారు.
ALSO READ: Star Trinethram: ‘స్టార్ త్రినేత్రం’ తెలుగు దినపత్రిక, డిజిటల్ విభాగంలో ఉద్యోగావకాశాలు..
ప్రాథమిక సమాచారం ప్రకారం అల్వాల్‌కు చెందిన రేణుకకు గోల్కొండ ప్రాంతానికి చెందిన ఫరూక్‌తో కొంతకాలంగా పరిచయం ఉన్నట్లు తెలుస్తోంది. ఈ నేపథ్యంలో ఇద్దరూ గురువారం రాత్రి లంగర్‌హౌస్ పరిధిలోని ఓ హోటల్‌లో గదిని బుక్ చేసుకుని అక్కడ బస చేసినట్లు పోలీసులు గుర్తించారు. అనంతరం తాను కొద్దిసేపు బయటకు వెళ్లి తిరిగి వచ్చేసరికి రేణుక గదిలో ఉరివేసుకున్న స్థితిలో కనిపించిందని ఫరూక్ పోలీసులకు వివరించినట్లు సమాచారం. వెంటనే హోటల్ సిబ్బంది పోలీసులకు సమాచారం ఇవ్వడంతో వారు సంఘటనా స్థలానికి చేరుకుని పరిస్థితిని పరిశీలించి మృతదేహాన్ని స్వాధీనం చేసుకున్నారు.
అయితే ఈ ఘటనపై రేణుక కుటుంబ సభ్యులు తీవ్ర అనుమానాలు వ్యక్తం చేస్తున్నారు. ఫరూక్ చెప్పిన వివరాల్లో నిజం లేదని, తమ కుమార్తె స్వచ్ఛందంగా ప్రాణాలు తీసుకునే పరిస్థితి లేదని వారు పేర్కొంటున్నారు. ఇది ముందస్తు ప్రణాళికతో జరిగిన హత్యగా భావిస్తున్నామని, అనంతరం దానిని ఆత్మహత్యగా చిత్రీకరించే ప్రయత్నం జరిగిందని ఆరోపిస్తున్నారు. ఈ ఘటనపై సమగ్ర విచారణ జరిపి నిజాలు వెలుగులోకి తీసుకురావాలని, ఫరూక్‌పై కఠిన చర్యలు తీసుకోవాలని కుటుంబ సభ్యులు పోలీసులను కోరారు. వారి ఫిర్యాదు మేరకు పోలీసులు కేసు నమోదు చేసి విచారణ ప్రారంభించారు.
ప్రస్తుతం ఫరూక్‌ను అదుపులోకి తీసుకుని పోలీసులు వివిధ కోణాల్లో ప్రశ్నిస్తున్నట్లు సమాచారం. హోటల్‌లో అమర్చిన సీసీటీవీ దృశ్యాలను స్వాధీనం చేసుకుని పరిశీలిస్తున్న అధికారులు, ఇద్దరి కాల్ వివరాలతో పాటు ఇతర సాంకేతిక ఆధారాలను కూడా సేకరిస్తున్నారు. సంఘటనా స్థలంలో లభించిన ఫోరెన్సిక్ ఆధారాలను విశ్లేషించడంతో పాటు పోస్టుమార్టం నివేదిక కోసం ఎదురుచూస్తున్నారు. ఆ నివేదిక అందిన తర్వాతే రేణుక మృతి ఆత్మహత్యా, లేక ఇతర కారణాలతో జరిగిందా అనే అంశంపై స్పష్టత వచ్చే అవకాశముందని అధికారులు తెలిపారు.
ప్రస్తుతం ఈ కేసును అత్యంత ప్రాధాన్యంతో దర్యాప్తు చేస్తున్నామని, ఎలాంటి ఊహాగానాలకు తావు లేకుండా శాస్త్రీయ ఆధారాలు, సాక్ష్యాలు, పోస్టుమార్టం నివేదిక, సీసీటీవీ దృశ్యాలు, సాంకేతిక సమాచారాన్ని సమగ్రంగా పరిశీలించిన అనంతరం తదుపరి చర్యలు తీసుకుంటామని పోలీసులు వెల్లడించారు. దర్యాప్తు పూర్తయ్యే వరకు అన్ని కోణాల్లో విచారణ కొనసాగుతుందని అధికారులు స్పష్టం చేశారు.
ALSO READ: Star Trinethram: ‘స్టార్ త్రినేత్రం’ తెలుగు దినపత్రిక, డిజిటల్ విభాగంలో ఉద్యోగావకాశాలు..