Telangana: సరదా కోసం వెళ్తే సావుకొచ్చింది.. ముగ్గురు మృతి!
Telangana: సరదాగా గడపాలనే ఉద్దేశంతో కుటుంబ సభ్యులంతా కలిసి విహారయాత్రకు వెళ్లిన ఓ కుటుంబంలో ఊహించని విషాదం చోటుచేసుకుంది. నదిలో ఈతకు దిగిన ఇద్దరు యువకుల్లో ఒకరు ప్రాణాలు కోల్పోగా, మరొకరు గల్లంతయ్యారు. ఈ విషాద వార్తతో ఇప్పటికే శోకసంద్రంలో మునిగిపోయిన కుటుంబానికి మరో దారుణం ఎదురైంది. మృతదేహాన్ని చూసేందుకు వచ్చిన బంధువు ఒక్కసారిగా గుండెపోటుకు గురై మృతి చెందగా, తమ్ముడి మృతిని తట్టుకోలేక అన్న తీవ్ర అస్వస్థతకు గురయ్యాడు. వరుసగా చోటుచేసుకున్న ఈ విషాద ఘటనలు కుటుంబ సభ్యులను తీవ్ర దుఃఖంలో ముంచెత్తాయి. వికారాబాద్ జిల్లా యాలాల మండలం కోకట్ గ్రామ సమీపంలోని కాగ్నానది వద్ద బుధవారం జూన్ 03న ఈ హృదయ విదారక ఘటన చోటుచేసుకుంది.
తాండూరు మున్సిపల్ పరిధిలోని పాత తాండూరుకు చెందిన మోయిజ్ (28), అతని బంధువు సంగారెడ్డి జిల్లా బస్తాపూర్ ప్రాంతానికి చెందిన రహమత్ తమ కుటుంబ సభ్యులతో కలిసి కోకట్ సమీపంలోని కాగ్నానది వద్దకు విహారయాత్రకు వెళ్లారు. అక్కడ కుటుంబ సభ్యులతో సరదాగా గడిపిన అనంతరం మోయిజ్, రహమత్ ఇద్దరూ ఈత కొట్టేందుకు నదిలోకి దిగారు. అయితే నది లోతు అంచనా వేయలేకపోవడంతో ఇద్దరూ ప్రమాదంలో చిక్కుకున్నారు. ఒకరినొకరు కాపాడుకునే ప్రయత్నంలో పరిస్థితి అదుపు తప్పడంతో మోయిజ్ నీటిలో మునిగి ఊపిరాడక అక్కడికక్కడే మృతి చెందాడు. మరోవైపు రహమత్ నది ప్రవాహంలో కొట్టుకుపోయి గల్లంతయ్యాడు. సమాచారం అందుకున్న యాలాల పోలీసులు వెంటనే ఘటనాస్థలికి చేరుకుని స్థానికుల సహకారంతో మోయిజ్ మృతదేహాన్ని బయటకు తీశారు. అనంతరం గల్లంతైన రహమత్ కోసం గజ ఈతగాళ్ల సహాయంతో విస్తృత స్థాయిలో గాలింపు చర్యలు చేపట్టారు.
అయితే ఈ ప్రమాదంతో ప్రారంభమైన విషాదం అక్కడితో ముగియలేదు. మోయిజ్ మృతదేహాన్ని తరలించిన ఆసుపత్రి వద్దకు పరామర్శించేందుకు వచ్చిన సాజిద్ అనే బంధువు, మృతదేహాన్ని చూసిన వెంటనే తీవ్ర భావోద్వేగానికి లోనయ్యాడు. ఆకస్మికంగా వచ్చిన మానసిక షాక్‌ను తట్టుకోలేక అక్కడికక్కడే గుండెపోటుకు గురై ప్రాణాలు కోల్పోయాడు. దీంతో ఒకే కుటుంబాన్ని వరుస విషాదాలు వెంటాడినట్లైంది. మరోవైపు మృతి చెందిన తన తమ్ముడిని చూసేందుకు వచ్చిన అన్న కూడా తీవ్ర మనోవేదనకు గురై అస్వస్థతకు లోనయ్యాడు. ఆయన ఆరోగ్య పరిస్థితి విషమించడంతో మెరుగైన వైద్యం కోసం అత్యవసరంగా హైదరాబాద్‌కు తరలించారు. ఒకే ఘటనలో ఇద్దరు వ్యక్తులు మరణించడం, ఒకరు గల్లంతవడం, మరో వ్యక్తి ఆసుపత్రిలో చికిత్స పొందుతుండటంతో సంబంధిత కుటుంబాల్లో విషాద ఛాయలు అలుముకున్నాయి. గ్రామంలోనూ ఈ ఘటన తీవ్ర కలకలం రేపింది. కేసు నమోదు చేసిన పోలీసులు ప్రమాదానికి సంబంధించిన అన్ని కోణాల్లో దర్యాప్తు కొనసాగిస్తున్నట్లు వెల్లడించారు.
ALSO READ: Uttarakhand: ఫ్రెండ్స్‌తో ట్రెక్కింగ్.. అర్ధరాత్రి పూట..
తాండూరు మున్సిపల్ పరిధిలోని పాత తాండూరుకు చెందిన మోయిజ్ (28), అతని బంధువు సంగారెడ్డి జిల్లా బస్తాపూర్ ప్రాంతానికి చెందిన రహమత్ తమ కుటుంబ సభ్యులతో కలిసి కోకట్ సమీపంలోని కాగ్నానది వద్దకు విహారయాత్రకు వెళ్లారు. అక్కడ కుటుంబ సభ్యులతో సరదాగా గడిపిన అనంతరం మోయిజ్, రహమత్ ఇద్దరూ ఈత కొట్టేందుకు నదిలోకి దిగారు. అయితే నది లోతు అంచనా వేయలేకపోవడంతో ఇద్దరూ ప్రమాదంలో చిక్కుకున్నారు. ఒకరినొకరు కాపాడుకునే ప్రయత్నంలో పరిస్థితి అదుపు తప్పడంతో మోయిజ్ నీటిలో మునిగి ఊపిరాడక అక్కడికక్కడే మృతి చెందాడు. మరోవైపు రహమత్ నది ప్రవాహంలో కొట్టుకుపోయి గల్లంతయ్యాడు. సమాచారం అందుకున్న యాలాల పోలీసులు వెంటనే ఘటనాస్థలికి చేరుకుని స్థానికుల సహకారంతో మోయిజ్ మృతదేహాన్ని బయటకు తీశారు. అనంతరం గల్లంతైన రహమత్ కోసం గజ ఈతగాళ్ల సహాయంతో విస్తృత స్థాయిలో గాలింపు చర్యలు చేపట్టారు.
అయితే ఈ ప్రమాదంతో ప్రారంభమైన విషాదం అక్కడితో ముగియలేదు. మోయిజ్ మృతదేహాన్ని తరలించిన ఆసుపత్రి వద్దకు పరామర్శించేందుకు వచ్చిన సాజిద్ అనే బంధువు, మృతదేహాన్ని చూసిన వెంటనే తీవ్ర భావోద్వేగానికి లోనయ్యాడు. ఆకస్మికంగా వచ్చిన మానసిక షాక్‌ను తట్టుకోలేక అక్కడికక్కడే గుండెపోటుకు గురై ప్రాణాలు కోల్పోయాడు. దీంతో ఒకే కుటుంబాన్ని వరుస విషాదాలు వెంటాడినట్లైంది. మరోవైపు మృతి చెందిన తన తమ్ముడిని చూసేందుకు వచ్చిన అన్న కూడా తీవ్ర మనోవేదనకు గురై అస్వస్థతకు లోనయ్యాడు. ఆయన ఆరోగ్య పరిస్థితి విషమించడంతో మెరుగైన వైద్యం కోసం అత్యవసరంగా హైదరాబాద్‌కు తరలించారు. ఒకే ఘటనలో ఇద్దరు వ్యక్తులు మరణించడం, ఒకరు గల్లంతవడం, మరో వ్యక్తి ఆసుపత్రిలో చికిత్స పొందుతుండటంతో సంబంధిత కుటుంబాల్లో విషాద ఛాయలు అలుముకున్నాయి. గ్రామంలోనూ ఈ ఘటన తీవ్ర కలకలం రేపింది. కేసు నమోదు చేసిన పోలీసులు ప్రమాదానికి సంబంధించిన అన్ని కోణాల్లో దర్యాప్తు కొనసాగిస్తున్నట్లు వెల్లడించారు.
ALSO READ: Uttarakhand: ఫ్రెండ్స్‌తో ట్రెక్కింగ్.. అర్ధరాత్రి పూట..