అమెరికాలో ఘోర విషాదం.. కుటుంబ సభ్యులపై కాల్పులు జరిపి ఆరుగురిని హత్య చేసిన వ్యక్తి
అమెరికాలో మరోసారి కాల్పుల ఘటన కలకలం రేపింది. అయోవా రాష్ట్రంలోని మస్కటీన్ నగరంలో కుటుంబ విభేదాలు దారుణ ఘటనకు కారణమయ్యాయి. ఓ వ్యక్తి తన కుటుంబ సభ్యులపై కాల్పులు జరిపి ఆరుగురిని హత్య చేయగా, అనంతరం తాను కూడా తుపాకీతో కాల్చుకుని ఆత్మహత్య చేసుకున్నాడు. ఈ ఘటనలో మొత్తం ఏడుగురు ప్రాణాలు కోల్పోవడంతో స్థానికంగా తీవ్ర విషాదం నెలకొంది.
సోమవారం మధ్యాహ్నం మస్కటీన్ నగరంలోని పార్క్ అవెన్యూలో ఉన్న ఓ ఇంటి నుంచి కాల్పుల శబ్దాలు వినిపిస్తున్నాయని పోలీసులకు సమాచారం అందింది. వెంటనే అక్కడికి చేరుకున్న అధికారులు ఇంట్లో తుపాకీ గాయాలతో పడి ఉన్న నలుగురిని గుర్తించారు. వైద్య సిబ్బంది పరిశీలించగా వారు అప్పటికే మరణించినట్లు నిర్ధారించారు.
దర్యాప్తు ప్రారంభించిన పోలీసులు ఈ ఘటనకు పాల్పడింది 52 ఏళ్ల ర్యాన్ విల్లీస్ మెక్‌ఫార్లాండ్ అని గుర్తించారు. ఘటన అనంతరం అతడు పరారైనట్లు తెలుసుకున్న అధికారులు విస్తృత గాలింపు చర్యలు చేపట్టారు. ఈ క్రమంలో మిస్సిసిపీ నది సమీపంలోని రివర్‌ఫ్రంట్ ట్రయిల్ ప్రాంతంలో అతడిని గుర్తించారు.
పోలీసులు అతడితో మాట్లాడేందుకు ప్రయత్నిస్తున్న సమయంలోనే మెక్‌ఫార్లాండ్ తన వద్ద ఉన్న తుపాకీతో కాల్చుకుని ఆత్మహత్యకు పాల్పడ్డాడు. అత్యవసర సిబ్బంది అతడిని కాపాడేందుకు ప్రయత్నించినప్పటికీ ఫలితం లేకపోయింది. దీంతో ఈ ఘటనలో మృతుల సంఖ్య ఏడుకు చేరింది.
ఇంతలో దర్యాప్తును మరింత విస్తరించిన అధికారులు మరో రెండు ప్రాంతాల్లో కూడా మృతదేహాలను గుర్తించారు. మిల్ స్ట్రీట్‌లోని ఒక నివాసంలో ఒకరు, గ్రాండ్‌వ్యూ అవెన్యూలోని ఒక వ్యాపార సంస్థలో మరొకరు తుపాకీ గాయాలతో మృతి చెందినట్లు తేలింది. ఈ ఇద్దరూ కూడా నిందితుడి కుటుంబ సభ్యులేనని పోలీసులు వెల్లడించారు.
ప్రాథమిక విచారణలో కుటుంబ తగాదాలే ఈ దారుణ ఘటనకు కారణమని అధికారులు భావిస్తున్నారు. మృతులందరూ నిందితుడి బంధువులేనని, కుటుంబంలో కొనసాగుతున్న విభేదాలు హింసాత్మక రూపం దాల్చినట్లు అనుమానిస్తున్నారు. అయితే పూర్తి వివరాలు దర్యాప్తు అనంతరం వెల్లడిస్తామని తెలిపారు.
ఈ ఘటనపై మస్కటీన్ పోలీస్ చీఫ్ ఆంథోనీ కీస్ తీవ్ర దిగ్భ్రాంతి వ్యక్తం చేశారు. ఇది అత్యంత భయానకమైన మరియు అమానుషమైన చర్య అని పేర్కొన్నారు. సాధారణంగా ప్రశాంతంగా ఉండే తమ నగరంలో ఇలాంటి ఘటన జరగడం ప్రతి ఒక్కరినీ కలచివేసిందని అన్నారు.
ప్రస్తుతం ప్రజలకు ఎలాంటి ప్రమాదం లేదని పోలీసులు స్పష్టం చేశారు. మృతుల కుటుంబ సభ్యులకు సమాచారం అందించిన తర్వాత వారి వివరాలను అధికారికంగా వెల్లడించనున్నట్లు తెలిపారు. ఈ కేసు దర్యాప్తులో స్థానిక పోలీసులతో పాటు పలు ఇతర దర్యాప్తు సంస్థలు కూడా పాల్గొంటున్నాయి.
సోమవారం మధ్యాహ్నం మస్కటీన్ నగరంలోని పార్క్ అవెన్యూలో ఉన్న ఓ ఇంటి నుంచి కాల్పుల శబ్దాలు వినిపిస్తున్నాయని పోలీసులకు సమాచారం అందింది. వెంటనే అక్కడికి చేరుకున్న అధికారులు ఇంట్లో తుపాకీ గాయాలతో పడి ఉన్న నలుగురిని గుర్తించారు. వైద్య సిబ్బంది పరిశీలించగా వారు అప్పటికే మరణించినట్లు నిర్ధారించారు.
దర్యాప్తు ప్రారంభించిన పోలీసులు ఈ ఘటనకు పాల్పడింది 52 ఏళ్ల ర్యాన్ విల్లీస్ మెక్‌ఫార్లాండ్ అని గుర్తించారు. ఘటన అనంతరం అతడు పరారైనట్లు తెలుసుకున్న అధికారులు విస్తృత గాలింపు చర్యలు చేపట్టారు. ఈ క్రమంలో మిస్సిసిపీ నది సమీపంలోని రివర్‌ఫ్రంట్ ట్రయిల్ ప్రాంతంలో అతడిని గుర్తించారు.
పోలీసులు అతడితో మాట్లాడేందుకు ప్రయత్నిస్తున్న సమయంలోనే మెక్‌ఫార్లాండ్ తన వద్ద ఉన్న తుపాకీతో కాల్చుకుని ఆత్మహత్యకు పాల్పడ్డాడు. అత్యవసర సిబ్బంది అతడిని కాపాడేందుకు ప్రయత్నించినప్పటికీ ఫలితం లేకపోయింది. దీంతో ఈ ఘటనలో మృతుల సంఖ్య ఏడుకు చేరింది.
ఇంతలో దర్యాప్తును మరింత విస్తరించిన అధికారులు మరో రెండు ప్రాంతాల్లో కూడా మృతదేహాలను గుర్తించారు. మిల్ స్ట్రీట్‌లోని ఒక నివాసంలో ఒకరు, గ్రాండ్‌వ్యూ అవెన్యూలోని ఒక వ్యాపార సంస్థలో మరొకరు తుపాకీ గాయాలతో మృతి చెందినట్లు తేలింది. ఈ ఇద్దరూ కూడా నిందితుడి కుటుంబ సభ్యులేనని పోలీసులు వెల్లడించారు.
ప్రాథమిక విచారణలో కుటుంబ తగాదాలే ఈ దారుణ ఘటనకు కారణమని అధికారులు భావిస్తున్నారు. మృతులందరూ నిందితుడి బంధువులేనని, కుటుంబంలో కొనసాగుతున్న విభేదాలు హింసాత్మక రూపం దాల్చినట్లు అనుమానిస్తున్నారు. అయితే పూర్తి వివరాలు దర్యాప్తు అనంతరం వెల్లడిస్తామని తెలిపారు.
ఈ ఘటనపై మస్కటీన్ పోలీస్ చీఫ్ ఆంథోనీ కీస్ తీవ్ర దిగ్భ్రాంతి వ్యక్తం చేశారు. ఇది అత్యంత భయానకమైన మరియు అమానుషమైన చర్య అని పేర్కొన్నారు. సాధారణంగా ప్రశాంతంగా ఉండే తమ నగరంలో ఇలాంటి ఘటన జరగడం ప్రతి ఒక్కరినీ కలచివేసిందని అన్నారు.
ప్రస్తుతం ప్రజలకు ఎలాంటి ప్రమాదం లేదని పోలీసులు స్పష్టం చేశారు. మృతుల కుటుంబ సభ్యులకు సమాచారం అందించిన తర్వాత వారి వివరాలను అధికారికంగా వెల్లడించనున్నట్లు తెలిపారు. ఈ కేసు దర్యాప్తులో స్థానిక పోలీసులతో పాటు పలు ఇతర దర్యాప్తు సంస్థలు కూడా పాల్గొంటున్నాయి.