Thalliki Vandanam: ఆంధ్రప్రదేశ్‌లో కూటమి ప్రభుత్వం ప్రతిష్టాత్మకంగా అమలు చేస్తున్న ‘తల్లికి వందనం’ పథకం పేద కుటుంబాలకు చెందిన విద్యార్థుల విద్యాభ్యాసానికి ఆర్థిక అండగా నిలుస్తోంది. ఈ పథకం ద్వారా ప్రభుత్వ పాఠశాలల్లో చదువుతున్న అర్హులైన విద్యార్థుల కోసం ప్రతి సంవత్సరం రూ.15,000 ఆర్థిక సహాయం అందజేస్తోంది.
ఈ మొత్తంలో రూ.13,000ను విద్యార్థి తల్లి బ్యాంకు ఖాతాలో నేరుగా జమ చేయగా, మిగిలిన రూ.2,000ను సంబంధిత పాఠశాల అభివృద్ధి కోసం స్కూల్ ఖాతాలో జమ చేస్తారు. కొత్త విద్యా సంవత్సరం ప్రారంభమైన నేపథ్యంలో లబ్ధిదారుల ఖాతాల్లో నిధుల విడుదలకు ప్రభుత్వం ఏర్పాట్లు చేస్తోంది.
ఆన్‌లైన్‌లో అర్హత ఎలా తెలుసుకోవాలి?
ప్రభుత్వం లబ్ధిదారుల కోసం ప్రత్యేక ఆన్‌లైన్ సదుపాయాన్ని అందుబాటులోకి తీసుకొచ్చింది. ఇంటి నుంచే మీ అర్హత స్థితిని సులభంగా తెలుసుకోవచ్చు.
అధికారిక వెబ్‌సైట్లు:
GSWS Portal
Beneficiary Management Portal
స్టెప్ బై స్టెప్ ప్రక్రియ
అధికారిక వెబ్‌సైట్‌ https://bm-sgsw.ap.gov.in/BM /Schemeout ను ఓపెన్ చేయండి.
హోమ్‌పేజీలో Scheme Eligibility లేదా Application Status ఆప్షన్‌ను ఎంచుకోండి.
Scheme Name వద్ద తల్లికి వందనం పథకాన్ని సెలెక్ట్ చేయండి.
ప్రస్తుత విద్యా సంవత్సరాన్ని ఎంపిక చేయండి.
లబ్ధిదారురాలైన తల్లి లేదా కుటుంబ పెద్ద ఆధార్ నంబర్‌ను నమోదు చేయండి.
స్క్రీన్‌పై కనిపించే క్యాప్చా కోడ్‌ను నమోదు చేయండి.
Get Details లేదా Submit బటన్‌పై క్లిక్ చేయండి.
ఆధార్‌కు లింక్ అయిన మొబైల్ నంబర్‌కు వచ్చే OTPను నమోదు చేసి ధృవీకరించండి.
వెరిఫికేషన్ పూర్తయ్యాక మీ దరఖాస్తు స్థితి స్క్రీన్‌పై కనిపిస్తుంది.
‘Satisfied’ అని కనిపిస్తే?
స్టేటస్‌లో Validation Status – Satisfied అని కనిపిస్తే, మీరు పథకానికి అర్హులుగా గుర్తించబడినట్లే. తదుపరి నిధుల జమ ప్రక్రియలో మీ పేరు పరిగణనలోకి తీసుకుంటారు.
ఆఫ్‌లైన్‌లో కూడా తెలుసుకోవచ్చు
ఆన్‌లైన్ సదుపాయం ఉపయోగించలేని వారు తమ సమీప గ్రామ లేదా వార్డ్ సచివాలయాన్ని సంప్రదించవచ్చు. అక్కడ డిజిటల్ అసిస్టెంట్ ద్వారా దరఖాస్తు స్థితిని పరిశీలించుకోవచ్చు. అలాగే విద్యార్థులు చదువుతున్న పాఠశాల ప్రధానోపాధ్యాయులను సంప్రదించినా వివరాలు తెలుసుకోవచ్చు.
