S.J.K.Ahmed: కొత్తగూడెం నియోజకవర్గానికి చెందిన కాంగ్రెస్ పార్టీ రాష్ట్ర నాయకుడు కోనేరు సత్యనారాయణ (చిన్ని)కు రాష్ట్ర కార్పొరేషన్ చైర్మన్ పదవి కేటాయించాలని కాంగ్రెస్ పార్టీ అధిష్టానాన్ని కాంగ్రెస్ సేవాదళ్ రాష్ట్ర జాయింట్ సెక్రటరీ ఎస్.జె.కె.అహ్మద్ విజ్ఞప్తి చేశారు. శుక్రవారం విడుదల చేసిన ప్రకటనలో ఆయన ఈ అంశాన్ని ప్రస్తావిస్తూ కోనేరు సత్యనారాయణకు తగిన గౌరవం కల్పించాలని కోరారు. కొత్తగూడెం ప్రాంతంలో ప్రజల మధ్య సుపరిచితుడిగా, అందరివాడిగా పేరు సంపాదించుకున్న కోనేరు చిన్ని ఎంతో కాలంగా ప్రజాసేవలో నిమగ్నమై ఉన్నారని తెలిపారు.
దివంగత మాజీ మంత్రి కోనేరు నాగేశ్వరరావు చూపిన ప్రజాసేవా మార్గాన్ని అనుసరిస్తూ ఆయన తనయుడు కోనేరు సత్యనారాయణ (చిన్ని) కూడా ప్రజలకు సేవ చేయడంలో ముందుండుతున్నారని పేర్కొన్నారు. గత మూడు దశాబ్దాలుగా ప్రజల మధ్యనే ఉంటూ వారి సమస్యలను తెలుసుకుని పరిష్కారం కోసం కృషి చేస్తున్న నాయకుడిగా కోనేరు చిన్ని ప్రత్యేక గుర్తింపు పొందారని తెలిపారు. ప్రజలతో నేరుగా మమేకమై పనిచేస్తూ ప్రాంతీయ సమస్యలపై ఎప్పటికప్పుడు స్పందించే నాయకుడిగా ఆయనకు మంచి పేరు ఉందని అహ్మద్ పేర్కొన్నారు.
ఇటీవల జరిగిన కొత్తగూడెం మున్సిపల్ కార్పొరేషన్ ఎన్నికల్లో కాంగ్రెస్ పార్టీ అధిష్టానం కోనేరు చిన్నికి కేటాయించిన స్థానాలను భారీ మెజారిటీతో గెలిపించుకొని తన నాయకత్వాన్ని చాటారని ఆయన అన్నారు. పార్టీ బలోపేతానికి ఆయన చేసిన కృషి గణనీయమని పేర్కొన్నారు. సీఎం రేవంత్ రెడ్డి నాయకత్వంలో రాష్ట్రంలో కాంగ్రెస్ పార్టీ బలపడుతున్న ఈ సమయంలో కొత్తగూడెం నియోజకవర్గంలో పార్టీ మరింత బలపడాలంటే కోనేరు చిన్నికి రాష్ట్ర కార్పొరేషన్ చైర్మన్ పదవి ఇవ్వడం సముచితమని అభిప్రాయపడ్డారు.
సౌమ్య స్వభావం కలిగిన నాయకుడిగా, పార్టీ సిద్ధాంతాలకు కట్టుబడి పనిచేసే వ్యక్తిగా కోనేరు సత్యనారాయణకు ప్రత్యేక గుర్తింపు ఉందని ఎస్.జె.కె.అహ్మద్ తెలిపారు. పార్టీ ఆదేశాలను పాటిస్తూ ప్రజల సమస్యల పరిష్కారానికి కట్టుబడి పనిచేస్తున్న ఆయనకు రాష్ట్ర కార్పొరేషన్ చైర్మన్ బాధ్యతలు అప్పగిస్తే కొత్తగూడెం మున్సిపల్ కార్పొరేషన్‌తో పాటు భద్రాద్రి కొత్తగూడెం జిల్లాలో అభివృద్ధి మరింత వేగవంతం అవుతుందని పేర్కొన్నారు. ప్రజలకు ఎప్పుడూ అందుబాటులో ఉండే సేవాభావం గల నాయకుడిగా కోనేరు చిన్నికి ఆ పదవి కేటాయిస్తే ప్రజలకు కూడా మేలు జరుగుతుందని ఆయన స్పష్టం చేశారు.
ALSO READ: Suresh Reddy: ఇన్సూరెన్స్ లేకపోతే వచ్చే కష్టాలు ఇవే..!
