Mexico Violence: మెక్సికో దేశంలో డ్రగ్ మాఫియా ప్రపంచాన్ని భయపెట్టిన అగ్రనేత ఎల్ మెంచో మరణం తర్వాత అక్కడ చెలరేగిన హింసాత్మక ఘటనలు ప్రపంచవ్యాప్తంగా ఆందోళనను రేకెత్తిస్తున్నాయి. ఫిబ్రవరి 22న మెక్సికన్ ఆర్మీ ప్రత్యేక దళాలు నిర్వహించిన ఆపరేషన్‌లో ఎల్ మెంచో హతమయ్యాడని అధికారిక వర్గాలు ప్రకటించాయి. ఈ వార్త బయటకు వచ్చిన వెంటనే అతని అనుచరులు తీవ్ర ఆగ్రహంతో హింసాత్మక దాడులకు పాల్పడ్డారు. డ్రగ్ కార్టెల్ సభ్యులు దేశంలోని పలు ప్రాంతాల్లో విధ్వంసం సృష్టిస్తూ భయానక వాతావరణాన్ని నెలకొల్పారు. ముఖ్యంగా జలిస్కో న్యూ జనరేషన్ కార్టెల్ సభ్యులు భారీ స్థాయిలో ప్రతీకార చర్యలకు దిగడంతో పరిస్థితి అదుపు తప్పింది. కార్టెల్ అగ్రనేత మరణ వార్త తెలిసిన వెంటనే జలిస్కో రాష్ట్రంలోని ప్రధాన నగరాలైన గువాడలజారా, ప్యూర్టో వాలార్టా సహా అనేక ప్రాంతాల్లో దాడులు జరిగాయి.
Footage captured inside the Guadalajara International Airport in Mexico shows people running for their lives as armed men open fire on Sunday (22 February).
Terror gripped the airport after alleged Jalisco New Generation Cartel (CJNG) members reportedly stormed the building.… pic.twitter.com/p9etuWD9Z4
— The Independent (@Independent) February 22, 2026
హింసాత్మక ఘటనల్లో భాగంగా కార్టెల్ సభ్యులు డజన్ల కొద్దీ వాహనాలను దహనం చేశారు. ప్రధాన రహదారులను అడ్డుకోవడానికి బర్నింగ్ బారికేడ్లు ఏర్పాటు చేసి రాకపోకలను నిలిపివేశారు. పోలీస్ స్టేషన్లు, ప్రభుత్వ కార్యాలయాలపై సాయుధ దాడులు కొనసాగాయి. రాత్రి సమయంలో ఆటోమేటిక్ ఆయుధాలు, గ్రెనేడ్‌లు మరియు ఇతర ఆయుధాలతో కాల్పులు జరిపినట్లు సమాచారం. ఈ దాడుల్లో కనీసం 12 మంది పౌరులు గాయపడగా, కొంతమంది ప్రాణాలు కోల్పోయినట్లు స్థానిక మీడియా నివేదికలు వెల్లడించాయి. జలిస్కో రాష్ట్రం ఒక్కసారిగా యుద్ధభూమిని తలపించే పరిస్థితికి చేరుకోవడంతో ప్రజలు భయాందోళనలకు గురయ్యారు.
ఈ హింసాకాండకు సంబంధించిన ఒక షాకింగ్ వీడియో సామాజిక మాధ్యమాల్లో వైరల్‌గా మారింది. అల్లర్లు ప్రారంభమైన వెంటనే విమాన ప్రయాణికులు భయంతో మెక్సికో విమానాశ్రాయ ప్రాంతానికి పరుగులు తీశారు. అయితే కార్టెల్ అనుచరులు విమానాశ్రయ ప్రాంతాన్ని కూడా లక్ష్యంగా చేసుకుని కాల్పులు జరిపినట్లు ఆ వీడియోలో కనిపించింది. ప్రయాణికులు భయంతో కుర్చీల కింద, టేబుళ్ల వెనుక దాక్కొని సహాయం కోసం అర్థిస్తున్న దృశ్యాలు ఆ వీడియోలో నమోదు కావడం ప్రపంచవ్యాప్తంగా సంచలనం సృష్టించింది. ఈ సంఘటన పర్యాటక రంగాన్ని తీవ్రంగా ప్రభావితం చేస్తుందని విశ్లేషకులు చెబుతున్నారు.
హింసాత్మక ఘటనలు తీవ్రతరం కావడంతో మెక్సికో ప్రభుత్వం భారీ స్థాయిలో సైనిక బలగాలను మోహరించింది. జలిస్కో రాష్ట్రంలో ప్రజల భద్రత కోసం కర్ఫ్యూ విధించినట్లు అధికారులు ప్రకటించారు. ప్రపంచంలో అత్యంత హింసాత్మక డ్రగ్ మాఫియా నాయకులలో ఒకడిగా ఎల్ మెంచో పేరుగాంచాడు. అతని నాయకత్వంలో కార్టెల్ ఫెంటానిల్, మెథాంఫెటమిన్, కోకైన్ వంటి మాదక ద్రవ్యాల అక్రమ రవాణాలో ప్రపంచవ్యాప్తంగా భారీ ప్రభావాన్ని చూపిందని అంతర్జాతీయ నివేదికలు పేర్కొన్నాయి. అతనిపై US ప్రభుత్వం $15 మిలియన్స్ డాలర్లు అంటే సుమారు 130 కోట్ల రూపాయల రివార్డ్ ప్రకటించింది.
ALSO READ: Donald Trump: మళ్లీ అమెరికాకు స్వర్ణ యుగం
