నిర్భయంగా రోడ్డుపై ఆడుకుంటున్న ఓ చిన్నారి ఒక్కసారిగా భయానక పరిస్థితిని ఎదుర్కొంది. ఓ వీధిలో జరిగిన ఈ సంఘటన స్థానికులను తీవ్ర ఆందోళనకు గురిచేసింది. బాలికపై ఒక్కసారిగా దాడికి దిగిన ఆవు ఆమెను వెంబడిస్తూ పరుగెత్తింది. ఏమి జరుగుతుందో అర్థం కాక బాలిక భయంతో తప్పించుకునే ప్రయత్నం చేసినప్పటికీ, ఆవు వేగంగా వచ్చి ఆమెను కింద పడేసింది. ఆ తర్వాత కాళ్లతో తొక్కుతూ తీవ్ర భయానక పరిస్థితిని సృష్టించింది.
राजधानी लखनऊ के चौपटिया कॉलोनी से रूह कांपने वाला CCTV फुटेज सामने आया है एक गाय ने एक बच्ची को बुरी तरह रौदा।
बच्ची को आसपास के लोगों द्वारा बचाया गया । pic.twitter.com/ghHUThSIk0
— Ashish Mahar (@ashishmeena114) February 2, 2026
ఈ ఘటన ఉత్తరప్రదేశ్ రాష్ట్ర రాజధాని లక్నోలో చోటుచేసుకున్నట్లు సమాచారం. రోడ్డుపై ఆడుకుంటున్న సమయంలో ఆవు ఒక్కసారిగా ఆగ్రహంతో బాలికపై దాడికి దిగడంతో ఆ ప్రాంతమంతా కలకలం రేగింది. చిన్నారి అరుపులు విని చుట్టుపక్కల ఉన్న స్థానికులు వెంటనే అప్రమత్తమయ్యారు. ఎలాంటి ఆలస్యం చేయకుండా సంఘటనా స్థలానికి చేరుకుని ఆవును తరిమివేసేందుకు ప్రయత్నించారు. కొందరు కర్రలు, మరికొందరు శబ్దాలు చేస్తూ ఆవును దూరం చేయడంతో చివరికి బాలిక ప్రాణాపాయం నుంచి బయటపడింది.
ఆవు దాడిలో బాలికకు స్వల్ప గాయాలే కావడంతో అందరూ ఊపిరి పీల్చుకున్నారు. వెంటనే ఆమెను సమీపంలోని ఆసుపత్రికి తరలించి ప్రాథమిక చికిత్స అందించారు. ప్రస్తుతం బాలిక ఆరోగ్యం నిలకడగా ఉందని వైద్యులు వెల్లడించారు. ఇటీవల కాలంలో నగర ప్రాంతాల్లో వీధుల్లో స్వేచ్ఛగా తిరిగే ఆవులు, ఎద్దులు ప్రజలకు, ముఖ్యంగా పిల్లలకు ప్రమాదంగా మారుతున్నాయనే విమర్శలు వినిపిస్తున్నాయి.
ఈ ఘటనకు సంబంధించిన వీడియో సోషల్ మీడియాలో వైరల్ కావడంతో ప్రజలు తీవ్రంగా స్పందిస్తున్నారు. చిన్నారి ప్రాణాలతో బయటపడినప్పటికీ, ఇలాంటి ఘటనలు పునరావృతం కాకుండా అధికారులు తక్షణ చర్యలు తీసుకోవాలని నెటిజన్లు డిమాండ్ చేస్తున్నారు.
ALSO READ: LPG cylinder: గ్యాస్ సిలిండర్ వాడే వారికి గుడ్‌న్యూస్.. రూ.300 కడితే చాలు!..
