(VIDEO): రైలు డోర్ వద్ద నిలబడి సెల్ఫీ.. ఇంతలోనే..!

(VIDEO): ఈ రోజుల్లో సోషల్ మీడియాలో వైరలవడం కోసం యువత ఎలా తమ ప్రాణాలకే ప్రమాదం తెచ్చుకుంటారో చెప్పేందుకు ఈ వీడియో ఓ ఉదాహరణ. రాత్రికి రాత్రే హీరో అవ్వాలనే ఆశతో చేసే పనులు, ఎలా హాస్యాస్పదంగా మారిపోతాయో చూపిస్తూ తాజాగా ఓ ఫన్నీ వీడియో ఇంటర్నెట్‌ను ఊపేస్తోంది.

వీడియోలో ఓ యువకుడు రైలు డోర్ వద్ద నిలబడి, ఒక చేతిలో రైలు హ్యాండిల్ పట్టుకుని, మరో చేతిలో మొబైల్ ఫోన్‌తో సెల్ఫీ వీడియో తీసుకుంటున్నాడు. తన స్టైల్‌, హావభావాలతో, ఆత్మవిశ్వాసంతో అతను ఏకంగా సినిమా హీరోలా కనిపించే ప్రయత్నం చేశాడు. ఒకపక్క సినిమాటిక్ ఫీలింగ్, ఇంకోపక్క తనను తాను షారుఖ్ ఖాన్‌గా ఊహించుకుంటూ, వీడియోలో పూర్తిగా లీనమయ్యాడు.

అయితే అదే సమయంలో అతనికి ఓ అపశ్రుతి ఎదురైంది. రైలు చిన్నగా ఊగింది. ఆ ఊగుడుతో అతని చేతిలో ఉన్న మొబైల్ కిందకి జారిపోయింది. ఆ ఒక్క క్షణంలోనే అతని “స్టార్ డ్రీమ్” రైలు పట్టాల పైనే కరిగిపోయింది. అతని ముఖం తక్షణమే భయంతో, పశ్చాత్తాపంతో, సిగ్గుతో మారిపోయింది. మొబైల్ పోయిన దుఖానికి కాదు, తన ‘హీరోయిజం’కు ఏమి జరిగిందనే భావన అతన్ని కాస్తంత షాక్‌కి గురి చేసింది.

ఈ వీడియోను @BhanuNand అనే ఖాతాదారు సోషల్ మీడియాలో పోస్ట్ చేయగా, క్షణాల్లోనే ఇది వైరల్ అయింది. లక్షలాది మందికి పైగా ఈ వీడియోను వీక్షించారు. చాలామంది నవ్వులు ఆపుకోలేకపోయారు. కొందరు కామెంట్స్‌లో సెటైర్లు వేస్తూ, “ఇవే ఇప్పటి యువత ఆశలు”, “హీరో కావాలంటే శిక్షణ అవసరం, స్టైల్ కాదు” అని రాసారు.

అయితే మరోవైపు కొందరు ఈ వీడియో స్క్రిప్ట్ చేసినదేనేమోనని అనుమానిస్తున్నారు. “ఇది స్క్రిప్టెడ్ వీడియో, నాటకం కూడా కావచ్చు” అని కొన్ని కామెంట్లు వచ్చాయి. ఇంకొందరు మాత్రం ఇలా సెల్ఫీల కోసం ప్రాణాలతో చెలగాటం ఆపాలని సూచించారు. “ఈరోజుల్లో ప్రజలకి సెల్ఫీ అనేది ఏదో మతివెలుపోతే చేసే పని అయిపోయింది” అనే కామెంట్‌ కూడా వైరల్ అయింది.

ఈ ఘటనలో ముఖ్యంగా తెలుసుకోవాల్సిన విషయం ఏమిటంటే.. సోషల్ మీడియాలో గుర్తింపు కోసం చేసే పనులు, కొన్ని సార్లు అవమానానికి కూడా దారి తీస్తాయి. తనను తాను సెలబ్రిటీగా భావించిన ఆ యువకుడు చివరికి సెల్‌ఫోన్ కూడా కోల్పోయి, సోషల్ మీడియాలో అపహాస్యానికి గురయ్యాడు.

ALSO READ: Stadium Stampede: బెంగళూరు తొక్కిసలాటకు కారణాలివే..!

(VIDEO): రైలు డోర్ వద్ద నిలబడి సెల్ఫీ.. ఇంతలోనే..!