Viral Video: ప్రపంచవ్యాప్తంగా అనేక జీవజాతులు నివసిస్తున్నాయి. వాటిలో బలశాలి జంతువు ఏదంటే మనకు గుర్తొచ్చేది ఏనుగే. గజరాజులు కొన్ని ప్రత్యేక అటవీ ప్రాంతాలను ఎంచుకుని అక్కడే జీవిస్తాయి. అవి నివసించే ప్రాంతాలు పచ్చదనంతో నిండిపోతాయి. పర్యావరణ సమతుల్యతకు, జీవవైవిధ్యానికి ఏనుగులు కీలక పాత్ర పోషిస్తాయి. అడవిలో వీటిని పెద్దమనుషులుగా ఇతర జంతువులు గౌరవిస్తాయి. సాధారణంగా ఇవి ఎవరికీ హాని చేయవు. కానీ ఎవరైనా వాటిని రెచ్చగొట్టే ప్రయత్నం చేస్తే మాత్రం ఎదురుదాడి చేస్తాయి.
ఇదే విషయాన్ని చూపించే ఒక వీడియో సోషల్ మీడియాలో వైరల్ అవుతోంది. ఇందులో ఒక ఏనుగు, ఖడ్గమృగం మధ్య భీకర పోరు చోటు చేసుకుంది. రెండూ బలమైన జంతువులే అయినా, తమ శక్తిని నిరూపించుకునే ప్రయత్నంలో ఒకదానిపై మరొకటి దాడి చేశాయి. ఏనుగు తన తొండం, దంతాలతో ఖడ్గమృగాన్ని భయపెట్టే ప్రయత్నం చేస్తుంటే, ఖడ్గమృగం కూడా తన కొమ్ముతో దాడికి దిగింది. అయినప్పటికీ ఏనుగు ముందు నిలబడటంలో ఖడ్గమృగం చూపిన ధైర్యం అందరినీ ఆశ్చర్యపరిచింది.
52 సెకన్ల ఈ వీడియోను ఇప్పటికే మూడు లక్షల మందికి పైగా వీక్షించారు. వందలాది మంది లైక్స్, కామెంట్స్‌తో తమ అభిప్రాయాలు పంచుకున్నారు. చాలామంది ఖడ్గమృగం ధైర్యాన్ని మెచ్చుకుంటూ వ్యాఖ్యలు చేశారు. కొందరు “ఇది నిజమైన యోధుడు” అని పొగిడితే, మరికొందరు “ఏనుగుకే భయపెట్టే ధైర్యం ఉంది దీని దగ్గర” అన్నారు. ప్రతి జంతువుకీ దాని ప్రత్యేకమైన శక్తి, ధైర్యం ఉంటుందని ఈ వీడియో మరోసారి నిరూపించింది.
ALSO READ: Viral Video: మరోసారి తెరపైకి వచ్చిన ప్రేమ వివాహాల వివాదం
Viral Video: ఏనుగు vs ఖడ్గమృగం