Astrology: జ్యోతిష్య శాస్త్రంలో శని గ్రహానికి ఉన్న ప్రాముఖ్యత ఎంతో ప్రత్యేకమైనది. కర్మఫలదాతగా పరిగణించే శని, మనిషి చేసిన పనుల ఆధారంగా ఫలితాలను అందిస్తుందని విశ్వాసం. ఇతర గ్రహాల మాదిరిగానే శని కూడా నిరంతరం రాశి మార్పులు చేస్తూ సంచరిస్తుంటాడు. ఈ సంచార దశల్లో అత్యంత ప్రభావవంతమైన దశగా భావించేది అష్టమ శని. ఈ దశ జాతకంలో ఉంటే అనేక పరీక్షలను ఎదుర్కోవాల్సి వస్తుందని జ్యోతిష్య నిపుణులు చెబుతున్నారు.
జన్మ రాశి నుంచి ఎనిమిదవ స్థానంలో శని సంచరిస్తే దానిని అష్టమ శని అని అంటారు. ఈ సమయంలో వ్యక్తి జీవితంలో అనుకోని మార్పులు, సవాళ్లు ఎదురయ్యే అవకాశం ఎక్కువగా ఉంటుందని భావిస్తున్నారు. ముఖ్యంగా ఆర్థిక పరిస్థితులపై గణనీయమైన ప్రభావం పడుతుందని చెబుతున్నారు. సంపాదన ఉన్నప్పటికీ ఖర్చులు అదుపులో లేకపోవడం, అప్పులు పెరగడం, పెట్టుబడుల్లో నష్టాలు వంటి సమస్యలు ఎదురయ్యే అవకాశముంది.
ప్రస్తుతం కన్య, కుంభ, మీన రాశులపై అష్టమ శని ప్రభావం ఉందని జ్యోతిష్య వర్గాలు సూచిస్తున్నాయి. ఈ రాశుల వారికి మానసిక ఒత్తిడి పెరగడం, ప్రశాంతత లోపించడం వంటి పరిస్థితులు తలెత్తవచ్చు. ఉద్యోగాల్లో అనిశ్చితి, పనిలో ఒత్తిడి, అనుకున్న పనులు ఆలస్యం కావడం లేదా అడ్డంకులు రావడం వంటి సమస్యలు ఎదురయ్యే అవకాశం ఉందని చెబుతున్నారు. కొన్నిసార్లు ఉద్యోగ స్థిరత్వం కూడా దెబ్బతినే ప్రమాదం ఉందని హెచ్చరిస్తున్నారు.
వ్యాపార రంగంలో ఉన్నవారు మరింత జాగ్రత్తగా ఉండాల్సిన అవసరం ఉంది. కొత్తగా వ్యాపారం ప్రారంభించడం, పెద్ద పెట్టుబడులు పెట్టడం, భాగస్వామ్యాల్లోకి వెళ్లడం వంటి నిర్ణయాలను ఈ సమయంలో వాయిదా వేయడం మంచిదని సూచిస్తున్నారు. తొందరపడి తీసుకునే నిర్ణయాలు నష్టాలకు దారి తీసే అవకాశముంది. అందుకే ప్రతి అడుగును ఆలోచించి వేయాలని నిపుణులు సూచిస్తున్నారు.
అష్టమ శని కాలం పూర్తిగా ప్రతికూలమే అనుకోవాల్సిన అవసరం లేదు. ఇది మనిషిని పరీక్షించే కాలం మాత్రమే కాకుండా, సహనం, క్రమశిక్షణ, పట్టుదల నేర్పించే దశగా కూడా భావిస్తారు. జాగ్రత్తగా వ్యవహరిస్తూ, ఆలోచించి నిర్ణయాలు తీసుకుంటే ఈ దశను సాఫీగా దాటవచ్చని జ్యోతిష్య నిపుణులు సూచిస్తున్నారు.
NOTE: పై వార్తలో ఇవ్వబడిన సమాచారం మత విశ్వాసాలపై ఆధారపడి ఉంది. కేవలం అవగాహన కోసం మాత్రమే తెలియజేశాము. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. స్టార్ త్రినేత్రం దీనిని అధికారికంగా ధృవీకరించలేదు.
ALSO READ: Shocking Murder: ‘నల్లగా ఉన్నావు, నాకు సరిపోవు’ అంటూ భర్తపై కిరాతకానికి పాల్పడ్డ భార్య