CI Pulyala Kishan: అంతర్జాతీయ మహిళా దినోత్సవాన్ని పురస్కరించుకొని మడికొండ పోలీస్ స్టేషన్‌లో ఆదివారం ప్రత్యేక కార్యక్రమాన్ని నిర్వహించారు. మడికొండ పోలీస్ స్టేషన్‌లో పనిచేస్తున్న మహిళా కానిస్టేబుల్ విజయలక్ష్మిని సీఐ పుల్యాల కిషన్ వారి సిబ్బందితో కలిసి ఘనంగా సత్కరించారు. ఈ సందర్బంగా సీఐ కిషన్ మాట్లాడుతూ.. అంతర్జాతీయ మహిళా దినోత్సవం ప్రపంచవ్యాప్తంగా మహిళల గౌరవాన్ని చాటిచెప్పే ప్రత్యేకమైన రోజు అని అన్నారు. ఈ సందర్భంగా ప్రపంచంలోని మహిళలందరికీ మహిళా దినోత్సవ శుభాకాంక్షలు తెలిపారు. మహిళలు కుటుంబ బాధ్యతలను మాత్రమే కాకుండా సమాజంలో అనేక రంగాల్లో ముందంజలో నిలుస్తూ అభివృద్ధికి దోహదపడుతున్నారని ఆయన పేర్కొన్నారు.
మహిళలు తమ ప్రతిభతో వివిధ రంగాల్లో విజయాలను సాధిస్తూ సమాజానికి ఆదర్శంగా నిలుస్తున్నారని ఆయన తెలిపారు. సమాజంలో ప్రతి ఒక్కరికీ స్వేచ్ఛ, సమానత్వం మరియు గౌరవం లభించడం ఒక ప్రాథమిక హక్కు అని అన్నారు. ఈ హక్కులు మహిళలకు సమానంగా దక్కే విధంగా సమాజంలోని ప్రతి ఒక్కరూ కృషి చేయాలని సూచించారు. మహిళలు భయపడకుండా ధైర్యంగా ముందుకు సాగేందుకు సమాజం మొత్తం వారికి మద్దతుగా నిలవాలని ఆయన పిలుపునిచ్చారు.
మహిళల భద్రత, గౌరవం కోసం సమిష్టిగా పనిచేయాల్సిన అవసరం ఉందని సీఐ పుల్యాల కిషన్ పేర్కొన్నారు. మహిళలు ఎక్కడైనా భయపడకుండా జీవించగల సమాజాన్ని నిర్మించడంలో ప్రతి ఒక్కరూ భాగస్వాములు కావాలని అన్నారు. మహిళలపై జరుగుతున్న అన్యాయాలను అరికట్టేందుకు సమాజం మొత్తం అప్రమత్తంగా ఉండాలని సూచించారు.
మహిళలకు గౌరవం కల్పించడం ప్రతి ఒక్కరి బాధ్యత అని ఆయన వివరించారు. కుటుంబం నుంచి సమాజం వరకు ప్రతి స్థాయిలో మహిళలకు సముచిత గౌరవం లభించాలి అని పేర్కొన్నారు. మహిళలు అభివృద్ధి చెందితేనే సమాజం ముందుకు సాగుతుందని ఆయన అభిప్రాయపడ్డారు.
ALSO READ: CI Kranthi kumar: మహిళలు అన్ని రంగాల్లో ముందుండాలి